خابرتها وخابرتني

من طرف **ملكه بلا تاج** الخميس مايو 06, 2010 12:24 pm

خابرتها وخابرتني وموعد ويها اطلبت
وردت منها ايكون باجر كالت اصبر للسبت
ويوم يوم اصبر واعدهن ومن الاحساب اتعبت
وحان موعدنا وبسرعة اتشيكت واتعطرت
والدرب اصبح شطولة واحس نفسي اتأخرت
ومن وصلت الموعد اني هناك كلشي ماشفت
انتظر واحرك بروحي واحس نفسي اتأخرت
وعلى اقرب هاتف اني بكل غضب اركض رحت
وهية من الدكة الاولى علية رئساً جاوبت
هي كالت الو اني صحت بيهة وشتمت
وكلت هيج وهيج انتي انتي اتعس ماشفت
ومن هدئت شوية كالت ها يامحبوبي شردت
كلت عالموعد اجيت وتالي فشلان ارجعت
ضحكت بضحكة طويله وكالت انت التهيت
ياحبيبي اليوم جمعة واحنة موعدنا السبت